බස්නාහිර පළාතෙන් පැන්න අයව හොයන්න ෆේස්බුක් සමාජ මාධ්‍යය පොස්ට් යොදා ගන්නා බව පොලිසිය කියයි : දින 14ක නිරෝධායනය අනිවාර්යයි

නිරෝධායන ඇඳිරි නිතිය පැනවීමෙන් පසු බස්නාහිර පළාතේ සිට පිට පළාත් වලට ගිය බවට සමාජ මාධ්‍ය ඔස්සේ සටහන් තැබූ පිරිස් අන්තර්ජාලය ඔස්සේ සොයා ඔවුන් සම්බන්ධයෙන් කටයුතු කිරිමට පියවර ගන්නා බව නියෝජ්‍ය පොලිස්පති අජිත් රෝහණ ප්‍රකාශ කර සිටිනවා.

බස්නාහිර පළාතට ඇඳිරි නීතිය පැනවීමෙන් පසු ඉන් පිටව ගිය පිරිස් වෙත ද පොලිස් මාධ්‍ය ප්‍රකාශකවරයා විශේෂ දැනුම් දීමක් සිදුකරනු ලැබුවා.

එහිදී පොලිස් මාධ්‍ය ප්‍රකාශකවරයා සඳහන් කළේ පසුගිය 29 සහ 30 යන දිනවලදී ඇඳිරි නීතිය පැනවීමට පෙර බස්නාහිර පළාතේ පොලිස් බලප්‍රදේශ 112ක් සහ කොල්ලුපිටිය පොලිස් බලප්‍රදේශ 05කින් පිටව වෙනත් ප්‍රදේශ කරා ගොස් සිටින පුද්ගලයින්ට තමන් සිටින ස්ථානයේම නිරෝධායනයට ලක්වන ලෙසයි.

එලෙස පිටව ගොස් සිටින පිරිස් මේ වන විට හෝටලයක, සංචාරක නිවාඩු නිකේතනයක, නිවසක සිටිනවානම් ඔවුන් එතැන සිට දින 14ක කාලයක් ස්වයං නිරෝධායනය වීම වැදගත් බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ සඳහන් කළේ.

එමෙන්ම එලෙස නිරෝධායනය නොවී යළි බස්නාහිර පලාතට ඇතුල්වීමට එන පිරිස් විශේෂ ක්‍රමවේදයකට අනුව හඳුනා ගන්නා බවයි පොලිස් මාධ්‍ය ප්‍රකාශකවරයා වැඩිදුරටත් සඳහන් කළේ.

The post බස්නාහිර පළාතෙන් පැන්න අයව හොයන්න ෆේස්බුක් සමාජ මාධ්‍යය පොස්ට් යොදා ගන්නා බව පොලිසිය කියයි : දින 14ක නිරෝධායනය අනිවාර්යයි appeared first on NewsWire Sinhala.

Leave a Reply

Your email address will not be published. Required fields are marked *

44 Views