කොරෝනා වෛරසය: ශ්‍රී ලංකාව තුළ කෝවිඩ්-19 ශීඝ්‍රයෙන් පැතිරීම වලක්වා ගත හැකිද?

මිනිත්තු 13 පෙර

කොරෝනා වෛරසය ඉතාමත් ශීඝ්‍රයෙන් රට පුරා පැතිර යාමත් සමගම රජය විසින් නව පියවර කිහිපයක් ක්‍රියාත්මක කළ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ පවසයි.

තමන් ගමන් ගන්නා පොදු ප්‍රවාහන සේවා බස්රථ වල අංක සටහන් කර තබාගන්නැයි මේ අතර රජය හා සෞඛ්‍ය බලධාරීහු ජනතාවගෙන් ඉල්ලා සිටිති.

පෑලියගොඩ මාළු වෙළෙඳපොලේ කොරෝනාවෛරස් ආසාදිතයින් පොදු ප්‍රවාහන සේවා රැසක ගමන් කර ඇති බවට තොරතුරු ලැබී ඇති බැවින් ඔවුන් ගමන් ගත් පොදු ප්‍රවාහන සේවා බස් රථ හඳුනාගෙන ඒවායේ අංක ප්‍රසිද්ධ කළ විට එම බස් රථවල ගමන් ගත් අනෙකුත් පුද්ගලයන් වහාම නිරෝධායනය වෙත යොමුවන ලෙස ඉල්ලා සිටින බව පොලිස් මාධ්‍ය ප්‍රකාශකවරයා පැවසීය.

මගීන් ගේ පහසුව සඳහා එම අංකය ස්ථාන කිහිපයක පැහැදිලිව දක්වන ලෙස බස් හිමිකරුවන්ට ද දන්වා සිටි බවත් හෙතෙම පැවසීය.

නිවසේ දී නිරෝධායනය

මේ අතර නිවාස වල නිරෝධායනය වන පුද්ගලයන් වෙනමම කාමරයක සිටිය යුතු බවත් එම නිවසේ අනෙකුත් පුද්ගලයන් සමග දුරස්ථභාවය රැකගත යුතු අතර එම නිරෝධායනය වන ස්ථානවල තවත් විශේෂ පත්‍රිකාවක් ඇලවීමට ද පියවර ගැනෙනු ඇති බවත් ඔහු පැවසීය. එම ස්ථානයට කිසිවෙකු පැමිණීම හා පිටවීම තහනම් කර ඇති අතර නිරෝධායන නීති දැඩිව ක්‍රියාත්මක කිරීමට තීරණය කර ඇති බවත් එම නිරෝධායන නීති කඩකරන්නන්ගේ නිශ්චල හා චංචල දේපල නිරෝධායන නීතිය යටතේ මුද්‍රා තැබීමට හෝ පොලිසිය භාරයට ගැනීමට සිදුවන බවත් ඔහු පැවසීය.

කෙසේ වුවත්, බ්‍රිතාන්‍යයේ දී කෝවිඩ්-19 රෝගීන්ට ප්‍රතිකාර කළ වෛද්‍යවරියක වන වෛද්‍ය තුෂ් වික්‍රමනායක සමාජ මාධ්‍ය ජාල ඔස්සේ ප්‍රකාශයක් කරමින්, නිරෝධායනය වන පුද්ගලයන්ගේ නිවෙස්වල පත්‍රිකා ඇලවීමෙන් වලකින මෙන් බලධාරීන්ගෙන් ඉල්ලීමක් කර තිබුණි.

මිලිටරිකරණයෙන් නොව සෞඛ්‍ය ප්‍රවර්ධනයෙන් සමාජය පුරා පැතිර යමින් පවතින රෝගය පාලනය කළ යුතු බවට ද වෛද්‍ය තුෂ් වික්‍රමනායක යෝජනා කරයි.

Presentational grey line

තවත් ලිපි:

Presentational grey line

අඟහරුවාදා දිනය තුළ කොරෝනාවෛරසය වැළඳීමෙන් තිදෙනෙකු මිය ගිය අතර මෙතෙක් වාර්තා වූ ලාබාලම පුද්ගලයා වන 19 හැවිරිදි කොළඹ පදිංචි තරුණයෙකු ද ඒ අතර සිටියේය. එය එක් දිනක් තුළ වාර්තා වූ වැඩිම මරණ සංඛ්‍යාව ද විය.

මිනුවන්ගොඩ බ්‍රැන්ඩික්ස් ආයතනයේ පළමු ආසාදිතයා ඔක්තෝබර් 03 වෙනි දින හඳුනා ගැනීමෙන් පසුව මෙරට වාර්තාවන කොරෝනා ආසාදිත පුද්ගලයන්ගේ ශීඝ්‍ර වර්ධනයක් පෙන්නුම් කිරීමත් සමග සෞඛ්‍ය අංශ මහජනතාවට කොරෝනා මර්ධන සෞඛ්‍ය නිර්දේශයන් නිසි අයුරින් පිළිපදින ලෙස ඉල්ලා සිටී.

මෙහි කිසිවක් අඩංගු නැත.

වීඩියෝ ශීර්ෂ වැකිය,

කොරෝනා වෛරසය: මුහුණු ආවරණ පලඳින නිවැරදි ක්‍රමය

කොළඹ ජාතික රෝහලේ ප්‍රධාන හෙද නිලධාරිනී පුෂ්පා රම්‍යානි ද සොයිසා පවසන්නේ පහත ක්‍රියාදාමයන් අනුගමනය කිරීමෙන් කොරෝනා රෝගය ආසාදනය වීමෙන් වැලකී සිටිය හැකි බවය.

  • නිතරම නිසි ප්‍රමිතියෙන් යුතු පිරිසිදු මුඛ ආවරණ පළඳින්න.
  • අසනීප පුද්ගලයන් වෛද්‍ය මුඛ ආවරණයකුත් හොඳ සෞඛ්‍ය සම්පන්න පුද්ගලයින් තුන් පොට යෙදූ රෙදි මුඛ ආවරණයක් භාවිත කළ යුතුය.
  • තුන්පොට යෙදූ මුඛ ආවරණයක් ගෙදරදී වුව ද සාදාගත හැකි අතර එයට කපු රෙද්දක් කට පෙදෙසටත් කෘතිමව වියන ලද රෙදි කැබැල්ලක් මැද්දටත් පිටතට සිටින පැත්තට පොලියෙස්ටර් මිශ්‍රිත කපු රෙදි කැබැල්ලක් යොදා ගන්න.

පුෂ්පා රම්‍යානි ද සොයිසා පැවසුවේ ලා වර්ණයෙන් යුත් මුඛ ආවරණයක් පාවිච්චි කිරීම තුළින් එය කිළුටු වීම ඉතා පහසුවෙන් හඳුනාගත හැකි බවය. මුඛ ආවරණය දිනපතා හොඳින් සබන් යොදා සෝදා ගැනීමෙන් අනතුරුව විනාඩියක් පමණ හොඳින් රස්නේ ඇති වතුර වලින් හෝ 0.1% ක්ලෝරීන් අඩංගු වතුරෙන් සෝදා ගැනීමෙන් විෂබිජහරණය කර ගත යුතු බවත් ඇය සඳහන් කළාය.

ප්‍රධාන හෙද නිලධාරිනිය තවදුරටත් පවසන්නේ:

  • සමාජ දුරස්ථභාවය හැමවිටම පවත්වා ගැනීම
  • නිවසේ නිරෝධායනය වන පුද්ගලයින් සිටී නම් ඔවුන්ට උපස්ථාන කිරීමට එක් නිරෝගී පුද්ගලයකු පමණක් යොමු කරන්න. අනෙක් අය දුරස්ථභාවය රැකගෙන නිසි සෞඛ්‍ය ආරක්ෂණ ක්‍රම පිළිපැදීම
  • සෑම විටම අත හොඳින් සබන් යොදා හෝ සනීපාරක්ෂක ද්‍රාවන යොදා පිරිසිදු කිරීම
  • නිතරම මුහුණ, කට හා නාසය ඇල්ලීමෙන් වැලකි සිටීම
  • සංචරණය අවම කිරීම
  • අත්‍යවශ්‍ය කටයුත්තකට හැර නිවසින් බැහැර නොයාම
  • අධික සෙනග ගැවසෙන තැන්වලට නොයාම
  • ප්‍රතිශක්තිය වැඩිකරගැනීම
  • සෞඛ්‍ය සම්පන්න සමබර ආහාර භාවිතය
  • වතුර පානය කිරීම – වැඩිහිටි පුද්ගලයෙකු නම් දිනකට වීදුරු 8ත් 10ත් අතර ප්‍රමාණයක්.
  • හොඳින් නිදා ගැනීම හා අධිකව තෙහෙට්ටු නොවී විවේකීව සිටීම.
  • හොඳින් ව්‍යායාම වල නිරත වීම.
  • මත්පැන්/දුම්වැටි භාවිත නොකිරීම.
  • අදහන ආගමානුකුලව සතුටින් සිටීම.

වැනි ක්‍රියා අනුගමනය කිරීම තුළින් කොරෝන වෛරසය ශරීරගත වීම අවම කර ගත හැකි බවය.

The post කොරෝනා වෛරසය: ශ්‍රී ලංකාව තුළ කෝවිඩ්-19 ශීඝ්‍රයෙන් පැතිරීම වලක්වා ගත හැකිද? appeared first on Helanews.

Leave a Reply

Your email address will not be published. Required fields are marked *

27 Views